Vawiin chawhma dar 10 : 00 khan Saiha khawpui chhunga sawrkar department hrang hrang te inelna “Inter Departmental Sports” hawnna chu District Playground, Saiha-ah neih a ni.

He Sports hawnna inkhawm tawi hi Pu K.Vanlalliana, Planning & Development Officer, Mara Autonomous District Council, Saiha chuan a kaihruai a, he sports buatsaih anih theih dan te sawi hawnna a neih hnu ah Pu Laldinpuiia Tlau, Judicial Magistrate leh Secretary, Saiha Officers Club ni bawk chuan Sports neih dan tur chungchang report tawi a pe bawk ani. Khuallian Pu K.Beisa, Executive Member i/c Sports etc Mara Autonomous District Council chuan thu sawiin Inter Departmental Sports hlawhtling taka huaihawt a ni thei chu lawmawm a tih thu a sawi bakah he sports hian department hrang hrang a hnathawk tute in unauna tha leh thawhhona tha zawk athlen ngei a beisei thu a sawi a, taimakna, rinawmna leh hmasawnna nei thei tura tan la zual sauh turin a chah ani, he sports hian department hrang hrang a hnathawk tute in unauna, in hriatthiamna leh thawhho thatna alo thlen theih nan duhsakna a hlan nghal bawk a ni.

He Sports neih chhung hian heng infiamna chi hrang hrang Football (Mipa), Volley Ball (Hmeichhia & Mipa), Tug of War (for mix) leh Relay Race (Hmeichhia & Mipa) ah te inelna neih anih bakah Group hran hran a then department hrang hrang te kal tam dan in Mark a hmu dawn bawk ani. He intihsiakna ah hian pakhatna in Rs.3000/- pahnihna in Rs. 2000/- leh pathumna in Rs. 1000/- te lawmman atan an dawng dawn a, Inter Departmental Sports hawnna inkhawm tawi hi District Bawrhsap Pu Kunal IAS chuan a hmanpui a ni.