785/2026-2027

Dated Aizawl, the 1st June 2026: Vawiin khan central sawrkar media unit hrang hrang leh Mizorama sawrkar department thenkhatte thawhhona IMPCC (Inter Media Publicity Coordination Committee) chu All India Radio (AIR) Conference Hall, Tuikhuahtlangah an thukhawm.

He meeting-ah hian PIB (Press Information Bureau), All India Radio, Doordarshan, Department of Information & Public Relations (DIPR) leh state media hrang hrangte tha zawka an thawhho dan tur sawi a ni a. Central sawrkar scheme chi hrang hrangte pawh a hlawkpuitu (beneficiary) tur ngei beng thleng thei tura hriattirna (awareness) tha zawk a awm theih nan te, sawrkar project thawh mek leh a hlawhtlinna chante mipuiin zau zawka an hriat theihna tura tan lak dan tur sawi ho a ni a. Tunlai khawvel hmasawnnain a ken tel digital media lama tan lak a pawimawhzia te, print media mai ni lova social media platform (Facebook, Instagram, Youtube leh X) atanga mipuite hnena thuthar thehdarh kawnga hma lak pawimawhzia te sawiho a ni a. Thuthar dik lo (misinformation) laka mipuite an chiai loh na tura rang taka hmalak dan kawng te sawiho a ni bawk.

Vawiin meeting hi Doordarshan Kendra (DDK) Aizawl Director Pu Nampibou Marinmai-a’n chairman niin a kaihruai a. PIB Guwahati Joint Director Pi Pavni Gupta chuan rawn telpuiin central leh state sawrkar department hrang hrangte pawh he meeting-ah hian an tel a ni.