603/2024-2025

Dated Aizawl, the 30th May, 2024: Vawiin chawhma dar 11:00 khan Chief Secretary Conference Hall-ah State Apex Committee (SAC) chuan Chief Secretary, Dr. Renu Sharma kaihhruaiin Inter-Operable Criminal Justice System (ICJS) chungchangah thutkhawmna an nei.

He thutkhawmnaah hian Committee Chairman, Dr. Renu Sharma hovin State Action Plan for Inter-Operable Criminal Justice System (ICJS) 2.0 tana ruahmanna hrang hrang siamte chu thlir hona neih a ni a. A tul ang te siam rem a nih hnuin State Action Plan for ICJS 2.0 chu State Apex Committee (SAC) chuan a pawm a ni.

ICJS (Inter-operable Criminal Justice System) hi Cabinet Committee on Economic Affairs (CCEA) in November 2015 khan a pawmpui niin a thil tum ber chu heng ICJS hnuaia banpui hrang hrang - Police, Prisons, Prosecution leh Forensics te inkara data leh information awlsam leh felfai zawk pekchhuah a nih theih nana Cloud service hmanga platform khat hman theih tura duan hi a ni.

He thutkhawmnaah hian Dr. Pawan Bhardwaj, Asst. Director, NRCB; Pu Anil Shukla, DGP; Pu H.Lalengmawia IAS, Home Commissioner, Pu Veenu Bansal, IGP (Int); Pu Neihchungnunga, IGP (HQ); Pu R. Vanlalsawta, IGP (Prisons); Pu Lalhuliana, DIG (CID) te bakah Law & Judicial leh Finance Secretary te, Chief Informatics Officer, ICT leh FSL Director te an tel a ni.