Chief Minister Pu Lal Thanhawla chuan hmarchhak state te ramri buai chungchang chinfel anih theih nana hma la tura Prime Minister Dr.Manmohan Singh hnena nikum 2012 November thla a lehkha a thawn chu Prime Minister chuan a lehkha alo hmuh thu a rawn hrilh.

A lehkha thawnah hian Chief Minister chuan Assam atanga state dang alo pian khan ramri tihfel nghal anih loh avanga tun thlenga ramri inchuh buaina a awm thu a tarlang a. Hmarchhak biala mitin thleng phak hmasawnna ziktluak a awm ngei theihna turin Central sorkarin huaisen taka hma la a, thleibik nei lova ramri buai te hi chingfel thuai turin Prime Minister hi a ngen a ni.

Chief Minister Pu Lal Thanhawla hian Nagaland, Meghalaya leh Arunachal Pradesh Chief Minister te chu Prime Minister hnena hmarchhak state ramri buaite chinfel thuai anih theih nana hmala tura lehkha a thawn thu hi hrilh nghal bawkin, chak taka bawhzui anih ngei theih nan anmahni ngei pawhin Prime Minister hnena lehkha thawn ve turin a ngen hlawm bawk a ni.