“International Anti-Corruption Day, 2012” chu vawiin zing dar 10 : 30 Am khan DC’s Conference Hall, Saiha-ah hman ani.He Ni hmanna inkhawm hi B.Lalchhawntluanga, SDO(S) Saiha chuan a kaihruaia Pu Vanlalngena Additional Deputy Commissioner, Saiha chuan sawihawnna neiin Corruption in a huam chi hrang hrang te tarlangin pawisa hman dikloh hi ani a ti a, pawisa a hmanna tur dik taka hman loh hi ani ati bawk. Mahni hlawh leh thawhchhuah aia tam kan duhna hi ani tiin sawrkar chaklo, diklo leh anihna tur ang ni phalo pawh hi sawrkar Corrupt a ni, a ti bawk.

He Ni hmanna a khuallian Pu R.T.Zachono, C.E.M., M.A.D.C. chuan thu sawiin sum leh paia rinawmlohna chi zawng zawng hi Corruption ani tiin Kohhran in a chhawr tangkai em em lai sawrkar hnathawk rinawmlo kan tam thu sawiin A.P.R. diklo siama pawisa eiruk pawh hreh lo kan tam tawh thu sawiin eiruka insak tam tak a awm thu leh heng te pawh hi Pathian chuan chiang takin a hmu tlang vek ani ati bawk. Mizoram ringtu inti te zingah Corruption lo hluar ta lutuk hi pawi atih thu sawiin ringtute chuan mahni tuhrah theuh kan seng tur thu sawiin kut tlinglova sum lalut tute chu kan Pathian thu in”Varung mahni tui lo awpkeu ang an ni “ ati ani tiin kut tling lova pawisa lak reng reng ti lo turin kalkhawm te chu a chah a, zirlaite hnenah an thiamna leh finna chauh hmanga exam bei thin turin a chaha, entawn a pass reng reng chu eirukna lian tak a ni, a ti bawk.

He Ni hmanna pual hian Class IX-XII zirlaite te tan Mizo tawnga Essay Competition buatsaih-ah pakhatna R.Lalhlupuii, pahnihna Offeli K.Byhnaki niin pathumna Lalsangzuala leh Lalrothangpuii te an ni. Sap tawnga Essay Competition buatsaiha ah pakhatna J.Lalsawmkimi niin pahnihna S.Dabori ani. College zirlaite tan Debate Sap tawnga “Corruption and its impact on Society” tih thupui hmanga neihah pakhatna LB Ngoze, pahnihna Naku Zawtha leh pathumna Beilaitha anni. Mizo tawnga “Hlemhletna in Khawtlang nun a nghawng dan” tih thupui hmanga neihah pakhatna Suilianthanga, pahnihna T.Lalramenga leh pathumna J.Vabeichhua te an ni. December 3-7, 2012 inkar chhunga Chanchinbu Corruption dona kawnga Editorial ziaktha thlan-ah pakhatna Chhim Aw, pahnihna Saiha Post leh pathumna Buannel te an ni. Heng Debate, Essay Competition, leh Judges leh lawmman hrang hrang te hi Khuallian Pu RT Zachono in a sema, programme karlakah zaithiam hrang hrangte an zai a, Pu N.Vabeiratlua I&PRO Saiha chuan lawmthu sawina neiin he programme hi a titawp a ni.