Pu PC Zoramsangliana, Art & Culture Minister chuan vawiin khan FMGE&W Office thar chu Archive Hall, Babutlangah a hawng. Hawnna inkhawm hi Pu R Lalrammawia, President FMGE&W in a kaihruai a.

Pu Zoramsangliana chuan sawrkar hnathawk te hi sawrkar neitute anni a, thil dik leh tha te Ministerte chu hrilh thin turin a chahin, sarkar hnathawk te chuan thil reng reng hi thlir uluk a, ngaihtuahna fim hmang turin a chah bawk a. Kan hnathawhna hi kan rawngbawlna hmun ani tih hrereng chungin Office hawng thar pawh hi midangte harsatna sutkianna hmun atan hmang turin Minister chuan a fuih a.

FMGE&W office thar hi cheng 58,892 hmang a siam a ni a, Minister hian chair dozen 2 office a hman atan a pe a.Tunah hian he federation ah hian Affiliated Association 115 an awm mek.