822/2023-2024

Aizawl 16th June 2023 : Vawiin khan Damdawi hman khawloh leh dan lova tawlh dona ni ‘International Day against Drug Abuse and Illicit Trafficking 2023 hman dan tur chungchang ah Pi Donnie, Addl. Secretary, Social Welfare & Tribal Affairs Department kaihruainana hnuaiah Conference Hall, Excise & Narcotics Department-ah thukhawmna neih niin, International Day against Drug Abuse and Illicit Trafficking 2023 hlawhtling taka hman dan tur an sawiho.

International Day against Drug Abuse and Illicit Trafficking 2023 hi June ni 26-ah hman tur niin thupui ah ‘People first: Stop Stigma and Discrimination, Strengthen Prevention’ (Mihring ngaihven hmasak: thinhrikna leh thliarhranna tih tawp a, invenna tih chak) tih chu thlan a ni. Sawiho dan in he ni hmanna tur atan hian Assembly Annexed Conference Hall chu thlan niin khuallian tur atan hian Chief Minister Pu Zoramthanga chu beisei a ni. School zirlaite chu special item nei tura sawm tur niin, Mizo zaithiamte atangin zai tur sawm a ni bawk ang. Central YMA atangin ruhhlo dona kawnga an hmalakna ngaihthlak ani ang a, ruih hlo lo khawih tawh thin te atangin ruihhlo an bansan dan chungchang ngaihtlakna neih bawk tur a ni. Ruih hlo khawih thinte thinhrikna leh thliarhranna tihtawp tum a beitu pawl te hnenah chawimawina hlanna hun neih nghal tur a ni.

International Day against Drug Abuse and Illicit Trafficking 2023 pual hian Booklet siam tur niin Chief Minister in Booklet hi a tlangzarh dawn a, he Booklet hi School leh College bakah Sunday School a ruih hlo ti lo tura inzirtirna atan hman a ni ang. District 11-te hnenah Booklet hi pek vek tura tih a ni. International Day against Drug Abuse and Illicit Trafficking 2023 hlawhtling taka hman a nih theih nan thuziak (banner) tar nise tih niin Aizawl khawpui hmun 14 ah tar tura ruahmanna siam a ni bawk.

International Day against Drug Abuse and Illicit Trafficking 2023 hmanna inkhawm kaihruaitu atan Secretary SW&TA, chu ruat a ni a, hunserh hi MKHC atanga beisei niin, Director SW&TA chu lawmthu sawina nei tura tih a ni.

Vawiin sawihona ah hian DC, Police, Prison, WCD, MSACS, SW&TA, FINGODAP, MDUF, BSF, MSD&RB, MRHG, Food and Drugs, SCERT, H&TE leh Education Department- aiawhte an tel a ni.