574/2022-2023

Champhai, 21st May, 2022: International Day for Biodiversity 2022 pualin vawiin khan 'Building a shared future for all life' tih thupui hmangin Champhaiah thingphun hnatlang neih a ni. Champhaiah chuan Champhai Nature Conservancy leh Forest Department tangkawp ten TT Road dungah Tlaizawng tiak an phun a ni.

International Day for Biodiversity hi United Nations hmalaknain kum 2000 atang khan khawvel pumah May ni 22 ah hman thin a ni a. Thupui thlan bik hi kum tinin neih thin a ni a. Nungcha tinrengte hi thuk takin kan in zawm tlat a. Kan hmalam hun leh dam khawchhuahna atan in mamawh tawn theuh kan nih avangin hmalam hun eng kan neih theih nan kan tan ho a tul a ni. Nungcha hi chi tam tak an mang tawhin mang mai thei dinhmun a ding tam tak an awm bawk a. Kumin a thing leh thlai dang phun turah pawh hian ram bial zimte chauh a awm thin (endemic) phun nise tih a ni nghe nghe a ni.

He ni hi nungcha chi hrang hrangte chungchang inhrilhfiahna leh zirtirna te, humhalhna kawnga hmalak nan te, thing leh thil dang phunna hun atante hman thin a ni a. Kuminah pawh hian tih tur hrang hrang siam a ni a, chung zinga tarlan thing phun leh mipui inzirtirna hun hmangin he ni hi hman a ni a. Ni 22 hi Pathianni a nih avangin thing phun hna hi ni 21 ah neih a ni ta zawk a, Pathianniah kohhran thenkhatah thupui mila zirtirna hun hman tum a ni. 


Attachment

  • Loading attachment...