573/2022-2023

Champhai,  21st May, 2022: Tukin khan Law & Judicial Minister, Pu T.J. Lalnuntluanga chuan Champhai Tuipui khuaa Boxing Hall sak mek chu a hmunah tlawhin a enfiah.

Tuipui Hall sak mek hi  Shyama Prasad Mukherjee Rurban Mission (SPMRM) leh MLAL  Fund tangkawp (convergence work)  hmanga thawh niin, SPMRM atangin cheng nuai 40 leh MLA Fund atangin cheng nuai 10 senga thawh  a ni a. A dung feet 86 leh a vang feet 36 a zaua sak tum niin, a liang (beam) san zawng hi feet 20 tura ruahman a ni a, kumin chhunga hna hi thawh zawh hman beisei a ni.

Minister Pu T.J. Lalnuntluanga chuan Mizoram Boxing inpui tia hriat lar, Tuipui khuaa Boxing Hall changtlung tak nei tura hna bul tan a ni ta chu lawmawm tiin, thalai infiammiten tangkai taka an hman ngei a beisei thu a sawi a. Hnathawktute pawh neitu rilru pua tha taka hna thawk tura a beisei thu a hrilh bawk.


Law & Judicial Minister hi khawtlang hruaitu ten an tawiawm a ni.

Attachment

  • Loading attachment...