Nimin October ni 2 kha India Hnampa Mahatma Gandhi pian ni denchhena International Day of Non Violence a ni a. Hemi ni denchhen hian vawiin khan Mizoram sorkar hnuaia hnathawk zawng zawngte chuan mahni thawhna office ah theuh a huhoa intiamtharna pledge sawi ho a ni a. New Secretrariat Complex ah chuan kawttualah Chief Secretary kaihhruaina hnuaiah pledge hi sawiho a ni a, Secretariat Annexe ah chuan LAD Secretary kaihhruaina hnuaiah neih a ni bawk. Hemi bakah hian department dang te chuan mahni office ah theuh intiamtharna hi an hmang bawk a ni.

International Day of Non Violence hi United Nations in kum 2007 khan India Hnampa zirtirna leh a thupui ber pakhat Non Violence chu zahna lantirnan a pianni chu khawvelah kumtin hmang turin alo kalpui tan tawh a, he ni hmanna hmasa ber pawh October ni 2, 2007 khan hman tan alo ni tawh a ni.