Vawiin May 1, 2017 hi khawvel pum huapa kuthnathawktu (labour) te Ni, International Labour Day a ni a, ‘May Day’ tih a ni bawk. He hun hi Mizoram ah pawh Labour, Employment & Industrial Training Department buatsaihin Aizawl, Lunglei leh Siaha ah te hman a ni a. Aizawl ah chuan chawhma dar 11 ah I &PR Auditorium-ah hman a niin Pu Benjamina, Commissioner & Secretary, LE & IT Department chuan khuallian niin a hmanpui a, Pu Lalhmunsanga Hnamte, Director, LE&IT Department leh Secretary, Welfare Board nibawk chuan he hun hi a kaihruai a ni.

Programme hi ‘Celebration of International Labour Day & Registration Mela-cum-Awareness Campaign’ tiin hman a ni a, hun hman zawhah building leh construction kaihhnawiha inhlawhfa te tan registration leh renewal tihna hun hman nghal a ni.