Sawrkar laipuia Home Ministry chuan chi leh chi inkara inremna atan leh ram leh hnam inpumkhatna atana mi thawh hlawkte chawimawina “Kabir Puraskar” dawng tur a thlang leh dawn a. He Award dawng thei nia inngai leh dawng tlak hriat nei chuan May ni 5, 2017 ral hmain Mizoram sawrkar Home Department-a Under Secretary Pi Zaithanmawii Ralte hnenah dilna theh luh tur a ni. Dilna form hi Lawngtlai Bawrhsap Pisa-ah lak chhuah theih a ni.

He award hi communal/caste/ethnic harmony chawi sanna atana ruahman niin, heti ang kawnga thawh hlawkte tan dil theih a ni a. Award hi chi thumah then niin, Grade-I-in Rs 2,00,000 leh citation, Grade-II-in Rs. 1,00,000 leh citation, Grade-III-in Rs. 50,000 leh citation te a keng a. Award dawng tura thlante chu October ni 2, 2017-ah India Prime Minister-in award hi a hlan ang.