Sawrkar laipui-a Ministry of Tourism leh Assam Sawrkar tangkawp ten ni 18th - 20th January 2013 chhung hian International Mart hmasa ber Guwahati ah an buatsaih dawn a. He International Mart ah hian West Bengal leh Sikkim State tiamin North Eastern State zawng zawng tel tur a ruahman a ni a. He International Mart ah hian Europe atangte SAARC leh ASEAN ramte atangin Tour Operator te, Travel Agent te leh Tourism lam a mi pawimawh tak tak te delegates 200 chuang lai an rawn tel beisei a ni.

He International Tourism Mart a tel tur hian Mizoram atangin Tourism Minister Pu S.Hiato te, Tourism Secretary Pu Chetan B.Sanghi te leh Tourism Director hovin Officer rual pasarihte leh Mizo Lam entir turin Mizo Cultural Organisation member 50 rual an kal bawk a. Aizawl a tour Operator te leh Hotel neitute pawh a tarn thei ang ber kal tur a beisei an ni.Central atangin Tourism Minister leh Secretary rual hovin he Mart hi an rawn chhim dawn a. He International Tourism Mart zawh chiah ah hian Foreign delegate te chuan tlawh an duhna State hrang hrang ah FAM Tour an nei zui bawk ang.