Khawvel hmundang rualin vawiin khan International Women’s Day chu Champhai ah pawh Govt. Champhai College Women Development Cell buatsaihin College zirlaite tan Hmeichhiate humhimna kaihhnaih Dan hrang hrangte leh HIV/AIDS chungchang inzirtirna hun neih a ni.

He hun, Govt. Champhai College Seminar Hall-a neih hi session hnih ah then niin, session hmasa zawk hi Prof. Thangmawii’n kaihruaiin, District Legal Services Authority atangin Pu Thomas Lalrammawia, MJS leh Pi Vinty Vanneihtluangi, Advocate te hnen atangin India Penal Code (IPC), Protection of Children from Sexual Offences Act (POCSO) leh The Mizo Marriage, Divorce and Inheritance of Property Act hnuaia ami te ngaihthlak a ni a. Session pahnihna hi Prof. Lalchhanhimi Khiangte in kaihruaiin, District AIDS Prevention and Control Unit atangin Dr. R. Zonunmawii, Programme Manager in HIV/AIDS leh a kaihhnawih hriattur pawimawh hrang hrangte zirtirna a pe bawk.

Kumin International Women’s Day pual hian Sorkar laipui pawhin India ram state engemaw zatah hmeichhia tanpui ngaite leh kawng hrang hranga harsatna tawk ten an pan theih tur One Stop Centre dinna turin hma a la mek a. Uttarakhand, Meghalaya, Uttar Pradesh leh Madhya Pradesh-ah te chuan vawiin atang hian he Centr hi kalpui tan a ni in, Nagaland leh Assam-ah centre dinna tur lungphum phum a ni tawh bawk. One Stop Centre-ah hian tanpuina hrang hrang – medical assistance, police assistance, counseling leh legal aid-te pek theih a ni dawn a, Ministry of Finance-in “Nirbhaya Fund” a siam atanga din an ni.

Attachment

  • Loading attachment...