International Yoga Day vawi 5 na chu June Ni 21, 2019 hian hman tur a ni a, Aizawl khawpui chhunga Assam Rifles, Central schools, Field Outreach Bureau leh Central department hrang hrangah Yoga Day hi hman a ni ang. Assam Rifles ten Aizawl chhung hmun hrang hrangah International Yoga Day lawmna hi an buatsaih bawk dawn a ni.

Media ten mipuite hnena Yoga chungchang zirtirna leh thehdarhna kawngah hna pawimawh tak an thawh thin avangin Ministry of Information & Broadcasting chuan kumin atangin Antarashtriya Yoga Diwas Media Samman (AYDMS) a buatsaih a. Yoga zirtirna leh yoga chungchang thehdarhna kawnga Media House ti tha te hnena hlan turin AYDMS lawmman hi buatsaih a ni.