1830/2023-2024
Aizawl, the 11th September 2023: A hnuaia tarlang ang hian Naupang Kum tling lo mawihnai lo taka pholanna video thehdarh a nih chungchangah Mizoram State Commission for Protection of Child Rights (MSCPCR) thuchhuah a siam.
Tunhnaia Internet Social Media hmanga naupang kum tling lo video mawi lo tak thehdarh a ni hi Mizoram State Commission for Protection of Child Rights (MSCPCR) chuan pawi a ti hle a. He video thehdarhtute Dan anga hrem an nih ngei theih nan Commission chuan a theih ang angin a ngaihven a. Mizoram Police Cyber Crime leh District Child Protection Unit (DCPU) te’n rang taka hma la a, Dan anga pawikhawihtute hrem an nih theihna tura an hnathawh leh hmalaknate chu Commission chuan lawmawm a ti hle a ni.
Section 67 B of Information Technology (IT) Act, 2000 leh Section 13, 14 of the Protection of Children from Sexual Offences (POCSO) Act, 2012 chuan hursualna kaihhnawiha naupang telna video leh thlalak thehdarhtute chu lung in tang tur leh pawisa chawi tura hrem theih an ni a ti. Hei hi mipuiten kan hriat tlan a tul takzet a ni.
Internet leh Internet Social Media (ISM) hman kawngah nu leh pa te’n kan fate ngaihvena fimkhur pui a tul takzet a ni. Tin, naupangte pawhin Internet hmansual chungchangah Danin an chungah thununna a lekkawh thei a ni tih an hriat a tul hle a ni.
