1831/2023-2024

Aizawl, 11.09.2023: Ministry of Health & Family Welfare lam hian nakum 2024 May ni 31 hian No Tobacco Day denchhen in Zirna In zawng zawngte "Tobacco Free Educational Institution" a puang turin State zawng zawngte a ti a. Hemi bawhzui hian vawiin Mizoram State Anti-Tobacco Day puala School Education Directorate conference hall a hun hman naah Mizoram chhunga zirna in hrang hranga zirtirtute tan "Training of Teachers in ToFEI (Tobacco Free Educational Institution)" buatsaih a ni.

Kum 2014 atang khan Mizoram State Anti-Tobacco Day hi September ni 11 ah kumtin thu thlan bik (Theme) neiin hman chhoh tan a ni a. Kuminah pawh hian thu thlan bik "Towards 100% Tobacco Free Educational Institution" tih hmanga hun hman a ni.

He hunah hian Ministry lamin a rawn phut angin engtinnge Mizoram chhunga Zirna In hrang hrangte chu Tobacco Free Educational Institution kan nih theih ang tih chu inkaihhruaina (Guidelines) an rawn duan sa hmangin zirhona hun neih a ni. Higher & Technical Education hote nen pawh meeting lo neih tawh niin, department pahnih hnuaia Zirna in hrang hrangten sawrkar thu lo chhuah tawh te lo zawm a, 100% a Tobacco Free Educational Institution a Mizoram kan in puan theih ngeina tur a mawhphurtuten hma lo la chhunzawm zel turin an ngen tak meuh meuh bawk a ni.

He hun hi Dr. H. Lianthangpuia, Additional Director (Dental) cum State Nodal Officer, National Tobacco Control Programme kaihhruaina hnuaiah hman a ni a. Pu Lalsangliana, MCS, Director, School Education chuan khuallian niin Tobacco Free Educational Institution siam tura zirtirtute mawhphurhna leh, tangrual taka inhrilhhriatna tha zawk neih pawimawh a tih thu a sawi.

Vawiin inkhawmah hian Zirna In-a Principal te leh Association hrang hrangte bakah Education Department a hotu hrang hrangte an tel a. National Tobacco Control Programme, National Health Mission, Mizoram leh School Education Department tangrual a buatsaih a ni.

District hrang hrangah thupui hmun hmangin programme neih a ni bawk.