Chakma Autonomous District Council hnuaia 10-Mandirasora bialtu MDC chu vanduaithlak taka a thih avangin a hmun ruak hnawhkhat tur hian inthlan buatsaih a ni dawn a. Inthlan neih tur hriattirna (Notification) hi vawiin khan Mizoram State Election Commission chuan a tichhuak a. 28.4.2016 hian MDC seat khat atan hian inthlan neih a ni ang. Inthlan chuh duh te tan 18.4.2016 thleng hming pek luh theih a ni ang a, inhnukdawk duh te tan 20.4.2016 tlai dar 3 thleng hun pek an ni ang. Hming pek luh te chu 19.4.2016 zing dar 11 leh tlai dar 3 inkar hian endik a ni ang a, 30.4.2016 ah vote chhiar a ni ang.

CADC hnuaia Village Councils inthlan that ngai leh member tanglai an boral avanga hmun ruak hnawhkhahna atan 28.4.2016 vek hian inthlan neih a nih tur State Election Commission hian hriattirna a tichhuak bawk a. Ni 1.1.2016 chu qualifying date-a hmangin ni 16.2.2016 atanga ni 24.2.2016 chhung khan Electoral Roll ennawna hna thawh niin final electoral roll hi ni 29.2.2016 khan tihchhuah a ni a, vote nei thei mi 3,112 awmin an zinga 1,573 hi mipa an ni a, 1,539 chu hmeichhia an ni. Village Council inthlang tur te chu : 16-Montola, 25-Udalthana-I, 37-Ajasora-II, 43-Borakabakhali-I, 49-Charluitlang, 56-Futsury, 57-Lukkisury, 63-Jaruldubasora, 65-Gerasury leh 80-Gobasury te an ni. Heng village council sawmah te hian a belhkhawmin member 42 an thlang dawn a, 35 chu general seat niin 7 chu hmeichhe tan bika hauh a ni. Montola, Futsury leh Jaruldubasora ah te hian member paruk theuh thlan tur a ni a, Lukkisury-ah member panga, Charluitlang leh Gobasury-ah member pali, Udalthana-I, Ajasora-II, Borakabakhali-I leh Gerasury ah te member pakhat theuh an thlang dawn a ni. Inthlan chuh duh te tan 18.4.2016 thleng hming pek luh theih a ni ang a, inhnukdawk duh te tan 20.4.2016 tlai dar 3 thleng hun pek an ni ang. Hming pek luh te chu 19.4.2016 zing dar 11 leh tlai dar 3 inkar hian endik a ni ang a, 28.4.2016 ah vote chhiar a ni ang.

Model Code of Conduct chu vawiin April ni 1, 2016 atang hian by-election neihna tur 10-Mandirasora MDC Constituency huam chhungah leh election neihna tur village council huam chhungah hman tan nghal a ni.