Vawiin hian Pi Sangchhin Chinzah, District Election Officer hovin a pisaah political party hrang hrang aiawhte leh tlawmngai pawl aiawhte an in hmukhawm a, Mizoram Legislative Assembly inthlanpui kan hmachhawn mek atana thawhho dan turte sawiin, Pi Sangchhin Chinzah hian inthlanna buatsaih tura Serchhip District a inpeih tawh thu a hrilh bawk.

Pi Sangchhin Chinzah chuan inhmuhkhawm a huaihawt chhan sawiin, inthlapui neih tur buaipuitu sawrkar hnathawk ten theihtawp chhuaha hma kan lak mek te chu lang tlang leh felfai ani em, a thianghlim tawk em? tih te hmuhpuia vil pui turin political party hrang hrangte leh tlawmngai pawlte duh ani, tih a hrilh a. Ralkhat atanga thutak hre chiang silova rinthu leh phuahchawp mai hmanga mipuite leh hnathawktute chhaih buai mai mai lovin, a hmun ngeiah engkim hmuhpui ve thin turin a sawm a ni.

Inthlanpui lo awm tur hi thianghlim, felfai leh langtlang taka neih a nih ngei theih nan party hrang hranga hruaitute chu thawhpui ah a sawm a, inthlan chungchanga sawi ho tur leh zir ho tur awm reng rengah phur taka telpui zel turin a ngen a ni. Inthlan hmachhawn tur hian a thawktu lam chu kan inpeih fel tawh a, eng hunah pawh inthlang ila, felfai leh thianghlim taka inthlanna neih ngei hi kan duh ber chu a ni, a ti a ni.

He hunah hian Pu Chuauhnuna, Addl. DC, Pu R. Vanrengpuia, SDO(S), Pu Lalvenhima, EO, Pi Pinky Zosangpuii, SDO(C) Thenzawl leh Pi Dorothy Muansangi, BDO E. Lungdar te an tel ani.