2635/2023-2024

Mamit the 3rd November 2023 : Ni 3.11.2023(Friday) tlai khan DRDA, Conference Hall, Mamit-ah Pu V.L. Remliana, District Election Officer, 3-Mamit Returning Officer ni bawk chuan kan hma lawka MLA inthlanpui inbuatsaihna chungchangah thuthar thehdarhtute a kawm.

Mamit District Election Officer Pu V.L. Remliana chuan Mizoram MLA Inthlanpui hmachhawn turin District Election Office, Mamit chu a inpeih tawh thu sawiin, boruak muanawm tak hnuaia inthlanpui kalpui a nih theihna tura inbuatsaihna hrang hrangte a tarlang a. Mamit District chhung Constituency pathum 1-Hachhek, 2-Dampa leh 3- Mamit-a Polling Station 121-a duty tur Polling Parties-te pawh inpeihfel thawhkhat tawhin, Polling Station pakhatah hian mi pali zel an duty dawn a, naktuk hian Polling Parties te tan training hnuhnung ber neih a ni ang tih a sawi a. Polling Station pakuaah hmeichhe duty bikna (pink polling station MLA bial tinah 3 theuh) a ni a, atirah MLA bial tinah polling station 8 theuh avaiin polling station 24 ruahman nimahse polling station a security duty tur hmeichhia indaih lohna avangin pink polling station hi 9 ah tih tlem a ni.

Venhimna chungchangah pawh ruahmanna siam fel tawh niin Mamit District chhungah venhim ngai zual Polling Station 13 awmin, heng Polling Station-ah hian venhimna uluk lehzuala kalpui a ni dawn a. ECI duhdan angin kumin inthlanpuiah hian Mamit District chhung Polling Station 73 te chu thil duhawmlo thleng thei laka venhim nan Webcast a nih dawn thu a tarlang bawk.

Mamit District chhungah Poster Ballot hmanga vote thlak tura dilna lut 1266 ah vawiin thlengin mi 755 te'n vote an thlak tawh a, heng postal ballot a vote thlak tawh mi 755 atanga mi 546 te hi Mamit District chhunga MLA Bial 3 a mi te an ni. Kumin atana kum 80 chunglam leh rualbanlo vohbikte tana inlama vote an thlak theihna tura kalchilh Home Voting-ah mi 46 dil zinga mi 44 te'n vote an thlak tawh bawk a ni.

Mamit District chhung Polling Station hla zuala duty turte hi Dt. 5th Nov, 23 (Pathianni) atangin an duty na hmun tur an pan tan ang. Mamit district chhunga polling station 6 te chu ke a kal ngai niin polling station 2 chu lawng hmanga kal ngai a ni thung.

Vawiin hian Mamit District chhunga Returning Officer, 1- Hachhek, 2-Dampa, 3 - Mamit, ARO; DIPRO, Mamit an tel bawk a ni.