No.6612/2020-2021

Vawiin khan I&PR Director Pi Lallianpuii hovin a pisaah July ni 14, 2020-a boral Pu Francis Paul (Gerrarda Pa), ralna hun an hmang. Pu Francis Paul ralna programme-ah hian a pa Pu Paul TK Donga, leh a chhungte bakah MJA President Pu Zonunsanga Khiangte leh MJA hotu dangte an tel.

Pi Lallianpuii chuan Pu Francis Paul a uizia sawiin I&PR Department chuan an chhungkua a tuarpui takzet a, sports columnist leh sports commentator thiam tak, mizote zinga mi bik a ni, a ti a. Pu Francis Paul thihna hian Mizoram media a nghawr nghing a ni, a ti bawk a. COVID-19 hrileng kara sawrkarin inralna atana sumfai a la dahsak hi lawm awm a ti bawk a ni.

Pu Francis Paul chhungte hnenah hian ralna sum (ex-gratia) cheng nuai khat chu Mizoram Journalist Welfare Society kaltlangin Mizoram Sawrkarin a hlan a ni.