4043/2024-2025

Dated: Mamit the 31st of January, 2025 : Vawiin khan Pu C. Lalnunkima, Director, Information & Public Relations chuan Mamit District Informations & Public Relations Office a tlawh a, MJA Mamit District-te kawmna a nei bawk.

Pu C. Lalnunkima chuan Mamit District MJA te duhsakna hlanin, MJA leh I&PR te chu thawhhona tha tak hnuaia hmala ho zel turin a sawm a, khawvel hmasawnna-in a ken tel, Social Media-in nasa taka min luhchilh tawh avangin chanchinbu (print media) te'n ngaihhlut a hlawh tawk tawh lo deuh te'n lang mahse print media chu document pawimawh ziak a awm ngei a nih avangin chawinun thar leh a duh thu a sawi a, Mamit District Information Officer hna a thawhlaia chanchinbu (Print Media) lama tan an lakna rahin hmasawnna hmel a thlen ang khan tun dinhmunah hmasawnna hmel hmuh duh leh thu a sawi bawk. Mamit District MJA-te chu Media pawimawh zia hrechianga hmala tang tang tute in ni a, thudik leh rintlak puanchhuah kawnga chanchinbu pawimawhna thangthar zawkte hnenah zirtirtu ni turin a chah bawk.

Mamit District MJA members te'n an harsatna leh mamawh an neih hrang hrang an thlente chu Director hian a ngaihthlak sak a, MJA Building sak mek a tlawh bawk a ni.

I&PR Director hian Mamit District Information & Public Relations Department Staff-te kawmna a nei bawk a, I&PR Department-a thawktute chu sawrkar leh mipui inkara palai hna thawktu kan nih angin kan hna hrechiang tura chahin, staff indaihlohna chu sawrkar pawhin theihtawp a chhuah mek zel thu a sawi a, indaih lohna chu harsatna atana hmang lovin, a awm ang angte'n thahnemngai leh tangkai taka hna kan thawh a tul a ni a ti.