475/2026-2027

Siaha the 11th May 2026 : I& PR Director Pi K. Vanlalsangi  chuan vawiin khan District Information & Public Relations Office, Siaha a tlawh a. Pi K Ngosai, DIPRO Siaha leh a  Staff- te bakah Mizoram Journalist Association (MJA) Siaha ten lo dawngsawngin inkawmhona hun an hmang nghal a ni. 

Director chuan lo dawngsawngtu Siaha I&PR a thawkte leh MJA Siaha te chungah lawmthu sawiin tha taka an thawhho thinna ah lawmthu a sawi a, hun lo la kal zel turah pawh thu dik leh rintlak thehdarh kawngah theihtawp chhuah tlang turin a fuih a ni. 

MJA Siaha President Pu CZ Hluna pawhin thu sawiin Director Pi K Vanlalsangi chu lawmthu an hrilh a, I&PR Department te nen thawhhona tha tak an neih thu sawiin hma lam hunah pawh thahnem ngai taka an thawhdun zel tur thu a sawi a ni.

Pi K Vanlalsangi chuan Siaha District Office hmunhma leh ram te tlawh nghalin fur ruahtui tlak hmaa hmun thawm that ngai te a enfel pui a, an mamawh hrang hrangte a sawipui nghal a ni.