Vawiin khan I&PR Director Pu David L.Thangliana leh MJA Headquarters te'n Mamit District chhunga PWD Project hrang hrang hnathawh kalmek leh thawh zawh tawhte a hmunah tlawhin an enfiah.

Kum 2017-2018 chhunga Mamit District-a NEDP hnuaia PWD Mamit Division hnathawhte tlawhin Mamit khawpui chhung bika Rs Nuai 55 senga an thawh, Hmunsam Presbyterian Pastor Quarter to Zion veng, 835.00 Running Metre (Rm), Resurfacing of Mamit District Hospital Complex, 180.00 Running Metre (Rm), Resurfacing of Mamit DC Complex, 646.00 Running Metre (Rm) bakah cheng Nuai 40 senga hnathawh mek Mamit to Bairabi road-te chu a hmunah tlawhin an enfiah.

Vawiin vek hian Bairabi to Zamuang road kaltlangin Kawrthah PWD Division-ah an thleng ang a, naktukah Khedacherra, Damcherra, Zamuang, Kawrtethawveng, Tuilut kawn (KDZKT road) chu a hmunah a enkawltu PWD hotute nen an tlawh dawn bawk a. Heng bakah hian Bairabi lei leh Tut leite a hmunah an tlawh nghal bawk a ni.

I&PR Director hi MJA Headquarters atang hian an President Pu Zonunsanga Khiangte - Lenlaini / ZONET Zing Daifim, Treasurer Pu Lalremsiama- Zawlkhawpui leh Pu Andrew H.Lalremruata, IPRO & Media Officer bakah MJA Member 6 te'n an tawiawm a, Mamit PWD Division-a Executive Engineer Pu R.Dawngsangliana, Pu Paul Rokima DIPRO bakah Mamit District MJA Member te'n an lo dawngsawng a. Mamit District MJA-te hian an President hovin Kawrthah thleng an tawiawm dawn a ni.

Attachment

  • Loading attachment...