Vawiin chawhnu khan I&PR Minister Pu Lalruatkima chuan a pisaah a vawikhatna atan press mite kawmna hun a hmang a. Serlui Bial MLA Pu Lalrinsanga Ralte chuan a tawiawm a ni.

Minister Pu Lalruatkima chuan press mite nena inhmuhkhawmna hun tha tak neih a ni chu lawmawm a tih thu a sawi a. Press mite chu sawrkar hmalakna hrang hrang puangzara tihlawhtlingtu an ni tiin sawrkar scheme leh policy mipuite hnena hrilhdarhnaah chanchinbu mite an pawimawh hle a ni, a ti a. Hemi lama sawrkar aiawh I&PR, All India Radio, Doordarshan leh MJA-te chu thawhhona tha tak nei zel turin duhsakna a hlan a. Chanchinbu mite chu sawrkar khalh ngiltu, sawisel huna sawiseltu, zilh huna zilhtu an ni tiin sawrkar thar nena inpawh taka thawkho zel turin a sawm a. Department hrang hrang hmalaknate theihtawpa puangzar zel turin a fuih a. Chanchinbu mite tan chuan harsatna leh hmasawnna turah biak theih reng a nih thu a sawi a ni.  

He hun hi I& PR Director Pu David L. Thangliana chuan a kaihruai a. MJA President Pu Zonunsanga Khiangte chuan tunhma atang tawhin MJA chuan theihtawpin sawrkar an lo tawiawm tawh thin a, sawrkar tharah pawh chhunzawm zel an tum thu a sawi a. Journalist Welfare Fund leh Pension scheme siamthat chungchang a tarlang bawk a ni.

Minister hian Charity Fund atan MJA President hnenah cheng 10,000 a pe a. MJA Prominent Member Pu Lalbiakthanga Pachuau hnenah cheng 2500 a hlan bawk a ni.