1185/2023-2024

Aizawl, the 19th July 2023: Vawiin khan I&PR Minister Pu Lalruatkima chuan I&PR Office building tihlenna - Lianchhiari Run( Multifacility Centre) chhung a en dik.

He hunah hian Minister chuan I&PR hotute leh Contractor te – Lushai Engineers chu Lianchhiari Run chhunga Mini Theater, Conference Hall, Art Gallery, Four wheeler parking leh Two wheeler parking siam meka hmawr bawk dan tur te a sawipui bakah Horticulture Office ep atanga luhna kawngpui(Approach Road) siam dan tur te a sawipui a. Minister chuan Lushai Engineers in he building an sak dan chu tha tih sawiin lawmawm a tih thu a sawi bawk a ni.

Lianchhiari Run hi sak zawh tawh a ni a, kumin April Ni 1 khan Union Home Minister Pu Amit Shah chuan a lo hawng tawh a ni. Tunah hian a building chhung lam cheina leh lift 2 dahna tur te tih leh mek a ni a, hun reiloteah luah theih thuai beisei a ni a. He building chhungah hian mipui tlawh theih tur leh lemziakmite tana tangkai tak ni turin Art Gallery tha tak a awm dawn a, Vantlang tana hawh theih turin Conference Hall changtlung tak, mi 120 vel thut theih na dah turin hna thawh mek a ni bawk. Lianchhiari Runah hian Cinema chhuah na tur Mini Theatre, mi 110 vel thut lenna tur pawh buatsaih mek a ni bawk.

Lianchhiari Building chhawng 2 vel hi Lirthei hunna atana ruahman a ni a, four wheeler 30 chuang dah theihna a awm bakah, two wheeler 100 chuang lenna tur parking a awm bawk a ni.

Lianchhiari Run chhunga dah tur bungraw mamawh leh thil tul dang te pawh I&PR Minister hovin Director Room-ah sawiho nghal a ni a. He hunah hian Pi HM Hualsangi, Secretary, I&PR, Pu C.Lalnunkima, Director, I&PR, I&PR Senior Officer te  leh Building sak hna thawktu - Lushai Engineers hotute an tel a ni.