2048/2022-2023

Aizawl 23rd September 2022: Vawiin khan  Irrigation and Water Resources Department Staff Welfare Association of Mizoram (ISWAM) chuan IWRD Auditorium, MINECO, Khatla ah General Body Meeting Vawi 7-na an hmang a. He hunah hian Irrigation and Water Resources Minister Pu C. Lalrinsanga chuan Khuallian niin hun a hmanpui.

ISWAM khawmpuiah hian khuallian Pu C. Lalrinsanga chuan thu sawiin Irrigation and Water Resources Department-a thawktuten indaihlo tak chunga an hna thawh dan chu fak tlak a ni a ti a. Thawktute chu anmahni dawrtute leh anmahni mamawhtute a bikin Loneitute tana ṭhat chhuah sauh sauh, dawr nuam tak a hna thawk zui zel turin a fuih a. Irrigation and Water Resources chu thawktu awm zat mila Mizorama hnathawk ṭha ber department te zingah a tel a ni a ti.

Minister chuan I&WR Dept hmalakna pakhat PM Kusum Solar Water pump chungchang sawiin Mizoramah chak zawka  bawhzui anih theih nan Union Minister, Minister of Power & Minister of New and Renewable Energy  RK Singh, Delhi-ah a hmu tih a sawi a, beiseina sang tak kan nei a ni a ti. Tun dinhmunah Solar water pump first phase atan 200 kan neih chu 1700 tihpun a ni a, State sorkarin alo do let vena tur pawh Nabard atangin kawng a inhawn thu a sawi bawk.

Irrigation and Water Reaources Department hi Ni 30. 5.2007 khan Agriculture Department atanga indangin Minor Irrigation Department tih a ni ṭhin a. Mizoram Sawrkarin kum 2017 khan department hming hi thlakin Irrigation and Water Resources Department tih a lo ni ta a. He department hnuaiah hian kum 2007 atang khan Officer leh Staff ten Staff Welfare Association te dinin tunah hian Irrigation and Water Resources Deprtment Staff Welfare Association of Mizoram (ISWAM) tiin an pawl hnuaiah hian member 193 an nei mek a ni.

Vawiin hian ISWAM hian Rorel leh 2022-24 atana Hruaitu thlanna an nei nghal a ni.