No.6502/2020-2021

Ministry of Jal Shakti in a buatsaih 2nd National Water Award ah Mizoram chu Best State (Special Category) ah thlan a ni. He award hlanna hun hi November ni 11 & 12, 2020 khan Vigyan Bhawan, New Delhi ah neih a ni a. Award hlanna inkhawm ah hian Shri. M.Venkaiah Naidu, Vice President of India chu khuallian  niin, Shri Gajendra Singh Shekhawat, Minister of Jal Shakti, Govt. of  India leh mi pawimawh tak tak an tel a ni.

Ministry of Jal Shakti hian National Water Award hi kum 2018 khan a lo buatsaih tawh a. Tun tumah hian category hrang hrang 16 (Best States, Best Water User Association, Best Municipal Cooperation, Best Newspaper leh a dangte ) siam in, heng category ah te hian a ti tha ber thlan an ni.

National Water Award 2019 atan hian Mizoram a sorkar department hrang hrang ten dilna an thehlut ve a. Irrigation & Water Resources Department chuan Best State leh Best Water User Association (Dakla, Sihphir leh Phaizau, Champhai) category ah te dilna an thehlut a. Hemi atan hian Ministry of Jal Shakti atang Technical Team March ni 9 - 11, 2020 khan Mizoramah lo kalin, Department hotute leh Water User Association te kawmna te neiin, an hmalakna leh hnathawh te a hmunah an tlawh a ni.