2759/2022-2023 

Kolasib dated 22nd November 2022: Ministry of Jal Shakti, Govt. of India hnuaia Department of Drinking Water & Sanitation chuan Jal Jeevan Mission (JJM), thingtlang khua a in zawng zawngah FHTC (Functional house Tap Connection) in tin a tui connection pekna tur scheme 2019 atangin India ram pumah a kalpui a.

Kolasib District ah hian District Water and Sanitation Mission Chairman chu Deputy Commissioner, Kolasib District niin Executive Engineer, PHED chu Member Secretary a ni. Kolasib District chhungah hian Habitation (khua) 48 Nos a awm a, In (Household) 9038 awmin tun October 2022 thla khan tui connection pek tawh chu 8767 Nos a ni a, za zelah 97% a ni a. Har Ghar Jal khua hi khaw 15 a awm tawh bawk a ni.

Ministry of Jal Shakti chuan India ram district zawng zawngte hmalakna leh performance hi online in a vil reng a. Best Performing District October 2022 a Ministry in a puan te zing a Four star Category ah Kolasib District chu pakhatna niin nimin khan DC Office, NIC Video Conference room ah District dinhmun te hi puan a ni.