Vawiin chawhma dar 11:00Am khan DC's Conference Room-ah ‘Tui hnianghnar tura beihpui thlakna programme Jal Shakti Abhiyan’ chungchang ngaituahin Siaha District Co-ordination Committee te an thukhawm a.District Bawrhsap Shri Bhupesh Chaudhary IAS ,DCC chairman ni bawk chuan meeting hi a kaihruai a ni.

Vawiin meeting-ah hian Siaha District in tui lama harsatna kan tawh dan hrang hrangte, hmalak tawhna te leh hmachhawp te huangzau taka sawiho a ni a.  Sawrkar laipui programme  pawimawh tak ‘Jal Shakti Abhiyan’ beihpui thlakna tura Siaha District  tel ve chu a vannei thlak hle a, he JSA hmang hian Siaha district hi tuiah hnianghnar tura tan kan lakna hian ‘Central Sawrkar Official’ te  mit atlung hle tur a ni, ti te sawilan a ni. JSA programme pawimawh tak hi hlawhtling taka kalpui a nih thei nan member tinte tun aia tan lak a tul dawn thute sawi ho a ni.

He meeting-ah hian hmalak dan tur tlangpui tarlan niin, Siaha khawpui chhungah ‘Seminar cum Awareness Campaign’ buatsaih nise, he programme a hlawhtlin thei nan ‘Village Council’ tinte chu an area huamchhung theuh a hma la turin ngen an ni a. Thingtiak hi hmun thlan bikah te phun nise, heng thingtiak te hi ‘Environment & Forest Department, MADC’ ngaituah turin vawiin meeting chuan a rel a . He programme hi ‘Tipa block’-ah pawh hmang ve turin meeting chuan a rel nghal a ni.