Vawiin khan National Highway 54 endikna kalpui chhunzawm a ni a, hmun 235 a NH 54 endik hmasak anihna hmun chhiahchhiah tawhah te hmalakna a awm leh awmloh te enfiah a ni.

Vawiin National Highway 54 endikna hi Chaltlang lily veng, bawngkawn, chanmari west, edenthar leh hunthar vengahte kalpui a ni a, GIG motors, motor silna leh workshop avanga motor kawng sira dahte, dawr leh Insakna bungrua kawng kan a dah hnawkte leh MVI site office a motor driving licence diltu thahnem thin a vanga National Highway 54 nekchep anihna hmun te endik niin a mawhphurtute hnenah hunbi tiam chhunga hma la tura hriattirna pek leh an ni.

Task Force Committee for Removal of Encroachment of NH 54 hian endikna hi Sairang leh Tuirial inkarah an kalpui chhun zawm dawn a, hei hi Aizawl khawpui luhchhuahna a traffic tawt zualpui tihziaawm nana hmalakna niin PWD Highway Circle 1 leh 2, PWD road protection squad, Aizawl DC office, I&PR, Police leh traffic te bakah Local Council leh YMA te an tel a ni.