542/2025-2026

Dated Hnahthial, the 23rd May, 2025: Hnahthial District Deputy Commissioner, Pi K. Vanlaruati kaihhruaiin vawiin khan DC Meeting Hall No-I ah District Consultative Committee (DCC), District Level Review Committee(DLRC) leh District Level Security Committee(DLSC) review meeting neih a ni a. Pu R. Lalmalsawma, Lead District Manager, Lead Bank Office, Lunglei chuan January- March 2025 quarter chhunga DCC,DLRC & DLSC thlirlet turte chu chhawpchhuakin bank hrang hrang hmalaknate thlir ho a ni a. Kum 2025-2026 atana Annual Credit Plan chu Bawrhsap chuan a tlangzarh nghal bawk.

January- March 2025 quarter chhunga Bank hrang hrang - SBI, MRB leh MCAB hmalakna leh quarter chhunga an target hlen chin thlirletna neih a ni a. DC chuan PMSBY leh PMJJBY hnuaia enrollment ti chu an tha thawkhata a hriat thu sawiin chutih rual chuan hmasawn zel turin bank hruaitute chu a chah a. Loan rul tha lo, Non Performing Assets chu quarter hmasa nen khaikhinin a tlahniam chu lawmawm a tih thu a sawi bawk.

Pu Lalrosiama, Manager, RBI chuan Financial Literacy Camps vawi 15 neih tura tih chu vawi 14 chiah neih a nih thu tarlangin bank hotute chu tan la lehzual turin a chah a ni.

Pu R. Lalmalsawma chuan Cash Deposit ratio chu quarter hmasa nen khaikhinin a tlakhniam thu tarlangin chutih rual chuan an phak chin tur a tuk, Nuai 60 an khum chu lawmawm a tih thu a sawi a. ACP (Priority Sector) hnuaia credit pek chhuah chu quarter hmasa nen khaikhinin cheng nuai 1104.05 a a pung chu lawmawm a tih thu a sawi bawk.

A chawhrualin bank hrang hrang hmalakna chu tha thawkhata ngaih niin hmasawnna awm thei leh hriatchian duhte chu line departments leh NGO hruaitute nen sawi ho a ni.

Thutkhawmnaah hian MRB, SBI leh MCAB hotute bakah line departments aiawhte an tel a ni.