541/2025-2026

Aizawl the 23rd May, 2025 : May 21, 2025 khan tunhma a AMRI Hospitals, Kolkata ti a hriat thin ten an Day Care division chu AM Medical Centre tiin Chanmari West, Aizawlah rawn in chhawp hnai tan a. Vawiin khan a hawnna leh an damlo tana inenkawlna an kalpui chungchang te sawifiahna hun Aijal Club-ah neih a ni.

AM Medical Centre, Aizawl hawnna leh AM Medical Centre chungchang bik sawifiahna hunah hian Speaker Pu Lalbiakzama leh Agriculture Minister Pu PC Vanlalruata te bakah Pu TBC Lalvenchhunga – Adviser to Chief Minister, Pu Lalmuanpuia Punte – Adviser to Chief Minister, Clement Lalhmingthanga - MLA,Baryl Vanneihsangi – MLA, T.Lalhlimpuia – MLA, Er. H.Lalzirliana – MLA leh official thenkhat leh staff te an tel ani.

Tunah hian Dental (Ha), Dermatology (Skin), Opthalmology (Eye) leh IVF (Fertility) ah te rawn theih an ni mek a. AM Centre hi Mizoram sorkar hnuai a Empanelled an ni mek a. Phai a sum tamtak seng a kal ngai tawh lo in an tih theih angah chuan mamawhte tana ban phakah mipui rawngbawl an tum a ni.

Ha(Dental) enkawlna atan Tooth implant, laser treatment leh CBCT - 3D a ka chhung leh ha enna khawl pawh hman theih in an bun tawh a. Vun(skin) enkawlna bikah  botox leh  plastic surgery te an kalpui thei a. Mit(eye) enkawlna huangah Laser an hmang thei  tawh dawn bawk a.  Fa neih harsatna nei te tan IVF (Fertility) ah te an rawn theih tawh bawk dawn a ni.