Nimin khan Nagasaki, Japan a Kokoro College hotuten Chief Minister Pu Lal Thanhawla chu a Bungalow-ah an hmu.

Japanese team hi Kokoro College Chairman Joji Iwanaga’n a rawn ho a. Mizoram sorkarin Mizo thalaite Kokoro College a Japanese tawng zir tur leh chumi hnua tar enkawlna hmuna thawk tura Japana tirh a remtih avanga Chief Minister hnena lawmthu sawi tur leh thalai 16 an thlante hnena visa rawn pe tura Mizoram lokal an ni a. Heng Mizo thalai te hnenah hian an zir chhungin inhlawhna an siam sak ang a, an zir zawhah tar enkawlna hmun ‘Aged Care Home’ ah hna an thawk dawn a ni. Heng Mizo thalai thlante hi India ram atanga kal hmasa ber tur an ni.

Pu Joji Iwanaga chuan hetiang lam hna thawk tur Japan sorkarin a mamawh avanga ramdang thalai zirlai, foreign students la lut tura tirh an nih thu a sawi a. Foreign students la lut tura Japan programme Mizoram sorkarin a tih hlawhtlin sak avangin Chief Minister hnenah hian lawmthu a sawi a. Hnathawk tur mamawh a nasat avangin midang tir belh zel turin Chief Minister hi a ngen nghal a ni.