3230/2022-2023

Lunglei the 12th January, 2023: Vawiin tlai khan Pu Donny Lalruatsanga, Addl. Deputy Commissioner, Lunglei kaihhruaiin ama chamber-ah Jawahar Navodaya Vidyalaya School (JNVST), Pukpui, Lunglei District Admission chungchang meeting neih a ni. Meeting ah hian a kaihhnawih official DC, DEO, SDEO, JNVST, I&PR leh Sub-Hqrs YMA aiawh te an tel a ni.

Meeting chuan JNVST ah lut tur sikul naupang 1500 te tan admission 31st January,2023 chhung a hawn a ni a, hemi a lut tur te tan registration leh campaign chu Lunglei leh Tlabung Block ah kalpui nise tih rel a ni a. Registration chungchang hi Local Cable hrang hrang bakah chanchinbu ,Whatsapp leh VCP te kaltalnga puanzar tura rel a ni. Govt leh Private School Head Master te chu JNVST campaign leh registration tihna tura tha taka thawh ho ni se, residential proof pek chungchangah thuneitute thawh ho pui ni se tih rel a ni bawk.

Heng Block-ah te hian registration leh campaign kalpui tur a tih an ni:

Lunglei Block:

1. Leitlang Higher secondary School, Lunglei
2. Govt. High School, Lunglei
3. Sacred Heart School, Lunglei
4. Southern Flower School, Lunglei
5. Govt. Middle School Mamte, Lunglei
6. Govt. High School Tawipui North_I, Lunglei

Tlabung Block:
1. Govt. S.V.P. Middle School, Tlabung
2. Govt. Middle School, Tuichawng, Lunglei