Nimin 1.6.2012 chawhnu dar 2:00 khan J.Buana College building sakna tur lungphum Pu Joseph Lalhimpuia, HPC, Vice Chairman in neiin, Pi Esther Lalruatkimi, Secretary, School Education leh Higher Technical Education in Women Hostel khum 20 awm na tur a hawng bawk.

Pu Joseph Lalhimpuia chuan thusawiin JB College zirlai chhuak tawh a nih angin thil tam tak zirchhuah a neih thu a sawi a,. College hmasawnna tur hian theihtawp alo chhuah ve tawh thin a ni. Ram siam tha tur in zirlai te in pawimawh a, nun uluk a mi rintlak leh mizo hnam tan mi tangkai nih a ngaih thu a sawi bawk. Tunhma chuan zirna lamah chhimlam hi kan sang a, Mizoram siamtu hi chhim mite kan ni a, hnung zuitu nih i tum theuh ang u, a ti. Building neih ringawt aia hlawk zawk leh tangkai zawk ngaihtuah a ngai a, khawtlang, kohhran leh in chhungkhur ah mi tangkai ni thei turin a chah a, taimak na nen a zir theuh turin zirlai te a chah bawk a ni.

Pi Esther Lalruatkimi, Secretary Education Deptt. pawhin thu sawiin, Lunglei ah hian atakin hmasawnna hmuh tur a awm a, Kendrya Vidhadaya a chhe lutuk a ngaih mawh thu a sawi a, Mizoram University Campus neih anih theih na turin tanlak a ngaih thu a sawi bawk. Education hmasawnnna turin kan tan ho a ngai a, chhim lam hi kan hnufual ang tih a hlau thu sawiin, chuvangin zirtirtu leh zirlaite kan tan ho a ngaih thu a sawi bawk. Building tha tak a din theih na chhan chu sum dik tak a hman a nih vang a ni. Sum anilo zawng a hman a nih chuan sawrkar thikthu a chhe hle dawn a ni a ti bawk. Mizoram in Doctor leh Engineer an ngah tawh a Civil Service tin zawn a zir turin zirlaite a chah a ni.

Er. Lalthanzuala, EE, PWD, Building division in technical report pein, he building hi thla 18 chhung in Rs.143.25lakhs. seng a sak turin ruahman a ni a ti. Inkhawm hi Pu J. Zorema, Principal in a kaihhruai a ni.