439/2024-2025
Dated Aizawl, the 9th May, 2024: Sawrkar laipui chuan midangte nunna chhantu mi huaisen lawmman hrang hrang Jeevan Raksha Padak (Series) Award te a semchhuak dawn a.
Heng lawmmante hi tuitla, accident, kangmei, electric chhiatna, leimin, ramsain mihring a beihna leh chhiatna hrang hrang lo thleng laka mi dangte nunna chhanchhuaktute hnenah hlan thin a ni. An chhhanchhuahna dinhmun azirin lawmman hi chi thum a awm:
i) Sarvottam Jeevan Raksha Padak: Hmun hlauhawm tak, a chhanchhuaktu tan pawha nunna thap a tulna hmun atanga midang chhanchhuaktute.
ii) Uttam Jeevan Raksha Padak: Hmanhmawh tak leh mahni nunna dinhmun pawh hlauthawn awm chunga midang chhanchhuaktute.
iii) Jeevan Raksha Padak: Inhliam leh intihpalh hlauthawn awm tak chunga midang chhanchhuaktute hnenah.
Heng award-te hi midang nunna chhanhim tawh phawt tan a dawn theih a, Armed Forces, Police Forces leh Recognized Fire Service etc. a thawkte pawh a huam tel vek a ni.
Ministry of Home Affairs-in a buatsaih thin 'Prime Minister's Police Medal for Life Saving' hi 'Jeevan Raksha Padak' hnuaiah a tel tawh avangin CAPF/CPO member leh Police Force a thawkte, mahni nunna thapa midang nunna chhanhimte tan he award hi dawn theih a ni bawk. Midang nunna chhanhim kawnga nunna chan ta te pawh rawt theih an ni.
He Jeevan Raksha Padak 2024 Award dawng tura rawtna hi Ni 30, September, 2024 thleng thehluh theih a ni a. Online-a recommendation thehlut turte tan Recommending Authority tinte chuan kum hmasa lama Login ID leh Password ngai hmangin an thehlut thei ang.
Login details kimchang theihnghilh emaw tibote chuan sopub@nic.in ah hian mahni Official Email ID hmangin Login ID leh Password chu dil leh theih a ni ang.
