2034/2026-2027

Aizawl; the 2nd September,2026: Vawiin khan I & PR Auditorium, Aizawl-ah Mahila Rozgar Maah 2026 denchhenin, State Hub for Empowerment of Women, Women & Child Development leh Even Cargo te tangkawpin Job Fair –Implementation Programme an buatsaih a. He hun hi Pi Flora Laltanpuii, Deputy Director (Women), Women & Child Development chuan kaihruaiin, Pi Zoramthangi Chhangte, Director, Women & Child Development chuan Guest of Honour niin a hmanpui.

Guest of Honor Pi Zoramthangi Chhangte chuan programme hawnna thuchah sawiin, hmeichhiate kan lo changkan zel theih nan thahnemngai taka pawl hrang hrang kan tan ho a pawimawh a ni, a ti.

Ms. Prerna Kaushik, Senior People Operations Specialist, Even Cargo chuan Resource Person niin, kalkhawm te a zirtir. He hun hi session 4 - Orientation, Group Interview, Digital & Financial Literacy Session leh Placement-ah te then niin, Pi Irene Lalruatkimi, General Secretary, MHIP Gen.Hqrs chuan kalkhawmte’n an hriatfiah lehzual theih nan tawng a leh sak bawk a ni. MHIP Branch hrang hrang atang te, Single Mom’s Foundation, Territorial Women, Women’s Ministry, Salvation Army leh Crescent Home atang te in nula leh nu 200 chuang zet kalkhawmin, he hun hi hlawk takin an hmang a ni.

 Pi Flora Laltanpuii Deputy Director (Women), Women & Child Development chuan kalkhawmte hnenah lawmthu sawina neiin, he hun hi a khar ta a ni.