2035/2026-2027

Siaha the 2nd September, 2026: Vawiin khan  DC Mini Conference Hall, Siaha-ah District Bawrhsap Pu VL Hruaizela Khiangte kaihhruaina hnuaiah kumin Independence Day 2026 lawmna thlirletna (Review Meeting) neih a ni.

He hunah hian District chhunga Sawrkar Department hrang hrang aiawhte leh NGO hrang hrang aiawhte a tel.

District Bawrhsap Pu VL Hruaizela Khiangte chuan kumin Independence Day tluang taka hman a ni thei chu lawmawm a tih thu a sawi a. Department hrang hrang thawhhona thatak rah a ni tiin, mahni mawhphurhna theuh tha taka an hlen chhuah avangin lawmthu a sawi. Kumin ah MADC ten a hranin Independence Day an lawm chung pawhin, Sawrkar programme engkim tluang taka ruahman leh hman a ni chu lawmawm a tih thu a sawi bawk.

Thutkhawmah hian kumin Independence Day lawm dan sawiho a ni a, department hrang hrang sum thawh khawm chungchang te, sum hman dan te leh inbuatsaihna te thlirlet a ni a, nakin zela hmasawnna atana rawtna te sawiho a ni bawk a ni.