2036/2026-2027 

Dated Khawzawl, the 2nd September, 2026 : Vawiin khan Khawzawl District Nasha Mukt Bharat Abhiyaan Committee chu Sub-Divisional Officer (SDO) Pu Chandrakant Bagoria kaihhruaiin Annual District Action Plan (2026-2027) relin DC Conference Hall, Khawzawlah an thukhawm.

Vawiin thutkhawmah hian Khawzawl District-a kum 2026-2027 chhunga NMBA hnuaia ruihhlo do kawnga hmalakna tur hrang hrang sawiho a ni a. NMBA Committee thlaktu District Level Drug Demand Reduction Committee (DDRC) din niin, NMBA committee member-te chu member an ni zui dawn a. DDRC hi thla tin thutkhawm tur a ni a, thla thum danah NMBA hnuaia hmalaknate endikna neih thin tur a ni bawk a. Block Level Drug Demand Reduction Committee pawh din tur a ni a, member turte chu la sawiho leh tur a ni.

He hunah hian tun September thla chhunga hmalakna turte rel niin, khawtlang huapin VC tinah ruihhlo do tura intiamna hun hman tura rel a ni a. Tun thla vek hian thla leh October-a hmalakna turte rel turin thutkhawm leh tur a ni. NMBA committee member-te an tel tha hle a ni.