2037/2026-2027

Dated Aizawl, the 2nd September, 2026: Vawiin khan Telangana State sawrkar hmalaknaa Directorate of Medical Education, Government of Telangana, Hyderabad atanga lo kal, Directorate of Nursing, Government of Mizoram rawn zirchiangtu mi pathum ten Health Minister Office Chamber, MINECO-ah Health Minister Pi Lalrinpuii an kawm.

He hunah hian Telangana sawrkar aiawh study team member pathumte hian Health & Family Welfare Minister Pi Lalrinpuii hnenah Mizoram an rawn tlawh chhan leh an sawrkar hmalakna hrang hrangte an sawi a. Minister chuan Health & Family Welfare Department aiawhin lawmthu sawi nan hnam puan a bah tir a ni.

Telangana sawrkar aiawh study team member te chu: Telangana Health & Family Welfare Department Deputy Director Pu S. Nagarjuna; GGH-Nagar, Kurnool Superintendent Dr. T. Usha Rani; leh Secunderabad Government College of Nursing Principal Prof. R. Hansli an ni.

He study team hi Mizoram Directorate of Nursing zir chiang tura Telangana sawrkar-in an rawn tirh te an ni a. Directorate of Nursing hi Telangana State-ah pawh din tura hmalak mek a nih avangin, an din theihna tura hmalakna pakhat atan leh zirchianna nei turin Directorate of Nursing, Health & Family Welfare Department, Government of Mizoram hi an rawn thlang a ni.

Minister an hmuh zawh hian Telangana study team chuan Directorate of Nursing Office, MINECO-ah kalin Joint Director Pi Lalchhanhimi kaihhruaina hnuaiah business session an nei nghal a. He session-ah hian Directorate of Nursing din chhuah dan te, organizational structure te, administrative function-te bakah din tirh atanga hmalakna hrang hrangte chu chipchiar takin an sawiho. Heng zirhona leh inkawmhona hi ni hnih chhung kalpui tur a ni.