2038/2026-2027 

Dated Khawzawl, the 2nd September, 2026 : Vawiin khan KVK Training Hall-ah Khawzawl District chhunga Community Resource Person (CRP) leh Bio Input Resource Centre (BRC) te tan Training buatsaih niin Pu Lalrammuana, ADAO chuan he hun hi a hmanpui.

He training hawnna inkhawm tawi neihah hian Dr. Malsawmkimi, Senioir Scientist & Head, KVK Khawzawl chuan kalkhawmte hnenah inhlawmna thu a sawi a, Pu Lalrammuana, ADAO hnen atangin thusawi hlawkthlak tak ngaihthlak a ni bawk a ni. Pu Rambuatsaiha, Subject Matter Specialist (Agronomy) KVK Khawzawl chuan zirtirna pein, Natural Farming awmzia leh a pawimawhnate bakah District chhunga Community Resource Person (CRP) leh Bio Input Resource Centre (BRC) te mawhphurhna leh tihturte hrilh hriatna leh zirtirna a nei a, chawhnu lamah Bio Input siam dan zir ho a ni bawk.

Natural farming in a tum ber chu leilung, thlai leh mihring hriselna niin, kan pi leh pu ten thlai an enkawl dan vawn nun a, sum tlem zawk senga huan thlai, buh leh bal tharchhuah hi a ni. District chhung atangin mi 36 in he training hi an chhim a ni.