4429/2025-2026

February 12th, 2026: Joint Meeting of the Executive Committee, CPA India Region Zone-III leh Executive Council, NERIPSTR chu February ni 10-11, 2026 khan Tamulpur, Assam ah neih a ni a. Speaker, Mizoram Legislative Assembly aiawhin Lt. Col. Clement Lalhmingthanga, MLA leh Assembly Secretariat official te an tel a ni.

Lt. Col. Clement Lalhmingthanga chuan Mizoram Legislative Assembly in Budget Session a hmachhawn mai dawn avanga Speaker a tel remchanloh thu a sawi a. CPA leh NERIPSTR chuan North-East India a State Legislative Assembly Legislator te hnenah nasa lehzual a awareness neih ni se, mipui rawngbawlna leh dan siam kawngah kan hlawkpui lehzual a rin thu a sawi.

He intawhkhawmah hian Commonwealth Parliamentary Association India Region Zone-III Conference 2026 chu April thla ah Tripura Legislative Assembly a nghah tur a rel a ni a. North East Institute of Parliamentary Studies & Training (NERIPSTR), North-East State Legislative Assembly hrang hrang ten pawisa thawhkhawm a an enkawl chu a kalphung siamrem a MLA te tan training nasa lehzual a buatsaih tur a ruahman ni se tiin an rel.

The Bhutan India Friendship Association hmalakna in Samdrup Jongkhar, Bhutan ah hun hman a ni a. Hetah hian Samdrup Jongkhar chapter a an Vice President, Goob Sonam Dokpa in Bhutan Sorkar aiawhin a telpui a ni.