4428/2025-2026

Dated Aizawl, the 12th Feb, 2026: State Institute of Rural Development & Panchayati Raj, Durtlang Leitan leh College of Veterinary Science & Animal Husbandry, Selesih tangkawp chuan ni thum chhung (ni 11 February atanga ni 13 Feb, 2026) atan vawk vulh training chu Extension Training Centre, SIRD&PR, Thingsulthliah ah an buatsaih.

Training hawnna hi Course Director Dr. Lalhruaitluangi Sailo, Sr. Core Faculty, SIRD&PR chuan kaihruaiin, Training chhunga hriattur pawimawh leh he zirna thupui hrang hrang zir ho tir sawifiahna a nei a. Training chhung hian vawk natna chungchang, chaw tha pawimawhna, vawk enkawl dan, natna laka invenna leh vawk natna hrang hrang hriat hran dan zirtirna pek a ni dawn a ni. Heng mai bakah hian ran vulhtute tihmasawn thei tur scheme hrang hrang zirtir an nih tur thu a tarlang bawk a ni.

He training chhung hian vawk vulh lama tui mi 30 te hnen ah zirtirna pek a ni a. He training SIRD&PR atangin Dr. Lalhruaitluangi Sailo, Sr. Core Faculty leh Lalthanmawia Ralte, Principal, ETC, SIRD&PR Thingsulthliah te, College of Veterinary Science & Animal Husbandary, Selesih atangin Dr. MC Lallianchhunga, Associate Professor, Dr. Lallawmzuali Ralte, Associate Professor, Dr. H.Lalrinkima, Asst. Professor, Dr. C. Lalchhandama, Asst. Professor, , Dr. Lalhumliana Tochhawng, Asst. Professor, Dr. Laltlankimi, Asst. Professor leh Dr. Salem Lallawmawmi, PhD Scholar te bakah Block Development Office, Thingsulthliah atangin Pu Reuben Lalhmangaihzuala, Additional Programme Officer leh Pu Malsawmsangzela, Block Mission Manager, MzSRLM ten zirtirna hi an pe a ni.