Vawiin chawhma dar 11:00 khan DC’s Conference Hall Lunglei ah nikhat awh tur Training of Charge Officers/Master Trainers, RD Department leh UD&PA Department hnuaia miten an nei.

Training hawnna hun hi Pi Ramdinliani, Joint Director, RD Department & Nodal Officer (Rural) Secc - 2011 in kaihruaiin, Pu V.Sapchhunga, IAS, DC, Lunglei chuan a hmanpui.

Pu V. Sapchhunga chuan Department mi leh sa ngei ten phung bawm sawm lova hma an la chu a lawmawm takzet a ni a ti. Kan hriat theuh angin chhungkaw eng emawzat chuan ther hlo beisei vanga an dinhmun nilo deuh BPL a indah duh an awm hi a pawi takzet a ni tiin, hetiang a Department in hma an lak chuan a fel theih thuai tura a ngaih thu leh, fimkhur taka hmalak a ngaih dawn thu a sawi. Harsatna eng eng emaw pawh an tawk ngei anga mahse an hnathawh rah hian ram hmelhmang a ti danglam thei dawn a ni a ti. DC chuan hetiang hun tha thuneituten an ruahman sak avangin lawmthu a sawi a, raining hi an hlawkpui ngei a beiseiin duhsakna a hlan nghal bawk a ni.

He Training ah hian RD Block hrang hrang atang a BDO te APO, Addl. PO DRDA, College Lecturer te leh High School zirtirtute an tel a ni.