The Gauhati High Court,Aizawl Bench leh North Eastern Judicial Officers Training Institute ( NEJOTI ) inkawp chuan ni 21.11.2015 ( Saturday ) hian Judicial Officers te tan conference Aijal Club,Aizawlah a buatsaih dawn a. “ Judicial Professionalism “ tih thupui hmanga neih turah hian Mr.Justice Jasti Chelameswar, Judge,Supreme Court chu khuallian a ni ang.

He conference neihna turah hian Mr.Justice T.Vaiphei,Chief Justice (Acting),Gauhati High Court leh Justice Hrishikesh Roy,Judge,Gauhati High Court, Mr.Justice Michael Zothankhuma,Station Judge,Gauhati High Court te an tel dawn a, Resources persons atan Mr.Justice S.Ravindra Bhat,Judge, Delhi High Court,Hon’ble Mrs Justice Roshan S.Dalvi,former Judge,Bombay High Court leh Professor G.Mohan Gopal,Director,Rajiv Gandhi Institute for Contemporary Studies,New Delhi te an ni dawn a ni. Conference of Judicial Officers neihna turah hian Mizoram Judicial officer te bakah Assam,Nagaland leh Arunachal Pradesh atangin Judicial Officers engemawzat an rawn tel dawn a ni.

Ni 21.11.2015,dar 9:15 atanga dar 9:30 thleng inlawmna hun hman a ni ang a,dar 10:00 atanga tlai dar 2:45 thleng conference hi neih a ni ang,hemi hun chhung hian Session I & II ah then a ni. Inthlahna hun hi dar 3:00 Pm atangin hman a ni ang a, Inthlahna session hi Mr.Justice T.Vaiphei,Chief Justice (Acting),Gauhati High Court-in opening address a pe ang a,conference tlangpui thlirletna Hon’ble Mr.Justice Hrishikesh Roy,Judge,Gauhati High Court –in a nei ang a, Chief Guest,Hon’ble Mr.Justice Jasti Chelameswar,Supreme Court-in thusawina a nei ang. Inkhawm lawmthu sawina hun Pu Thang Lianmang Guite,Registrar,Gauhati High Court,Aizawl Bench-in a nei dawn a ni. Heng bakah hian cultural programme hmuhnawm tak tak entir a ni ang a,chawhlui tuihnai takin a zui nghal ang.