TRAFFIC India, WWF India leh Gauhati High Court chuan Wildlife Conservation chungchang trainning Judicial Service Officer te tan an buatsaih. He workshop hi Administrative Training Institute, Aizawlah  September ni 10 leh 11 hian neih niin Dr Garbyal, IFS, Principal Secretary leh PCCF, Environment and Forests Department chuan training hi a hawng a. Hawnna inkhawm hi Aizawl Bench Registrar Pu R. Thanga\\\\\\\'n a kaihruaiin Mizoram Bench a Judge leh Judicial Officer 30 an tel a ni.
He training programme in a tum ber chu  nungcha humhalh kawngah Judicial Officer te hriatna thuk zawk neih tir a ni a. Wildlife leh Biodiversity humhalh kawngah Judiciary hian hmun pawimawh tak a chang a, he Training programme-ah hian Forest leh Wildlife a dan thar ber ber te leh ram hrang hrang huap Conventions an neih tawh te leh a kaihhnawih thil pawimawh te bakah nungcha humhalhna kawnga India rama dan kan neih te awmze nei zawka hman dan hrilhhriat an ni.

Dr Garbyal chuan TRAFFIC India leh WWF chu nungcha humhalh kawngah Judicial Service Officers te tan training tha tak an buatsaih chu lawmawm a tih thu sawiin Mizoramah hian environment leh wildlife kaihhnawih dan te hriatbel a pawimawh hle a ni, a ti a.Nungcha chi hrang hrang leh Biodiversity hausa tak neitu Mizoram mipui te hian nungcha te nen inkungkaihna thuk zawk an neih a, a bik takin dan lam thiam ten a humhalhna kawngah tan an lak a pawimawh hle a ni, a ti. Environment leh wildlife lamhawi case a lokalin a remtu Judge ten dik taka thu an rem theih nan Environment leh wildlife kaihhnawih thil an thlir danah thui tak a innghat a, chuvangin hetiang lam dan hriatzauna tura training buatsaih hi a hlawkthlak hle dawna a hriat thu a sawi bawk.

WWF, India, Centre for Environmental Law a Director Pi Moulika Arabhi, TRAFFIC India a Coordinator Pu Khalid Pasha, Environment & Forest Department a Conservator of Forest Pu Liankima Lailung, MZU Associate Proffessor Dr. Lalnuntluanga te pawhin thupui thlanbik hmangin thu an sawi a. Supreme Court a Advocate pahnih Pu Ritwick Dutta leh Pu ADN Rao te pawh he programme-ah hian an tel a ni.