Korean Cultural Centre, India (KCCI) chuan sawrkar thuneitute rawn be pawp in July thla chawhnu ah K-POP Contest 2015, North East Round chu Aizawl khawpuiah an rawn nghat dawh tih a rawn ti chiang tawh a. He event kalpui dantur leh ruahmanna Korean Embassy in Mizoram Sawrkar hnena a rawn thlen te bawhzui in Chief Secretary Pu Lalmalsawma hovin vawiin khan sawrkar mi pawimawh te Chief Secretary’s Conference ah an thukhawm.

Aizawl khawpui a K-POP Contest event neih tur ah hian KCCI chuan mikhual - Contestants, event managers, Korean sumdawng te leh Korean Embassy a thawk officials te a rawn tir dawn a, K-POP BAND rawn kal tura ruahmanna erawh la tih chian a ni lo. He contest rawn chhim tur zingah hian Pu Kim Kum Pyoung, Director/Counsellor, Embassy of the Republic of Korea pawh a rawn tel dawn a ni. K-POP Contest 2015 senso hi KCCI in a tum dawn a, Mizoram sawrkar hi sum thehchhuak ve tura rawn ngen a ni lo.

K-POP Contest 2015 faifim taka kalpui anih theih nan hian Gate Entry fee tam tham lo erawh ruahman tum a ni. He Contest neih hun tur atan hian July 25 an rawn tin zawn a, a nghahna hmun zawng turin vawiina committee hian mawhphur tur pawh a ruat nghal a ni.