Mizoram State Child Protection Society(MSCPS) leh Social Welfare Department chuan ni hnih awh tur “State Level Orientation Training for Juvenile Justice Board on the Juvenile Justice (Care & Protection of Children) Act 2015” a buatsaih chu vawiin khan MSCPS Training Hall, Laipuitlangah neih tan a ni a. He training hi Mizoram chhung District hrang hranga naupang dan kalha awmte chungthu ngaihtuah tura sawrkarin a ruat Juvenile Justice Board (JJB) member tharte puala buatsaih niin Juvenile Justice Board hnathawh dan tur leh kalphung inzirtir a nih bakah naupang dan bawhchhiate enkawl dan tur inzirtir bawk a ni.

He training hi ni hnih awh tur niin naktuk lamah Dr. Ruby Zothankimi Member JJB Aizawl; Pi Sylvie Z. Ralte CJM-cum-Senior Civil Judge leh Pi Amy Lalrinpuii Programme Manager, State Child Protection Society hovin Juvenile Justice chungchanga thu pawimawhte zirho leh  a ni ang.