Vawiina K-Pop Contest Mizoram University Campusa neih tura buaipuitu tur ten vawiin chhun khan Chief Minister Pu Lal Thanhawla chu a chenna bungalow-ah an hmu. 

K-Pop Contest buaipuitu turte hi Pu Kim Kum Pyoung, Director, Korean CulturalCentre,Indiain a rawn ho a,Koreaatangin K-Pop Star Hyemin Jung pawh rawn kalin, contest endikin, a zai dawn bawk a ni. Korean team rawn kalte hi journalist 2 tiamin an vaiin mi 11 a ni a, Chief Minister rawn hmutute erawh mi 7 an ni.

Inkawmna ah hian Korean journalist te hian thil an hriat duhte Chief Minister hi zawtin, Chief Minister Pu Lal Thanhawla chuan Mizoram leh Korea ten inlaichinna tha nei tura cultural programme siam tha an tih thu Korean Ambassador to India nen an sawi tawh thu a hrilh a. Mizote hi Mizoramah chauh nilo, Myanmar ramah te thahnem tak kan awm thu te leh India ah pawh state hrang hrang Assam, Manipur leh Tripura ah te kan awm thu hrilh bawkin, Korea nena inlaichinna duhawm tak a awm theihnana K-Pop Contest buatsaih a ni chu lawmawm a tih thu a sawi bawk a ni.

Korean palaite hian Mizoram boruak chu nuam an tih hle thu an sawi.

K-Pop contest hi Mizoram tiaminIndiakhawpui hrang hrang 6 lehNepalah vawiin hian buatsaih a ni a, Mizorama contesta tel tur hianAssam, Manipur leh Arunachal Pradesh atangte in an lokal a ni. Contest ah hian zai leh lamah intihsiakna neih tur a ni a, zaiah hian Korean Pop star te hla an sa ang a, lamah hian Korean Pop Star te hla soundtract a zai tirin an lam dawn bawk a ni.